Të premten ishte puntata finale e “Përputhen”. Rrugëtimi i të gjithë konkurrenteve në program përfundoi, mirëpo siç u njoftua pak ditë më parë, tani e tutje do të ketë një ribashkim të personazheve.
Ata do të sqarojnë me njëri-tjetrin të gjitha temat e lëna pezull. Me anë të një postimi të bërë në rrjete sociale, Olsa ka bërë të ditur se përballja e parë do të jetë mes Shqipes dhe Teas.

Ajo ka publikuar një video të shkurtër nga debati i ashpër i dy konkurrenteve, të cilat flasin për çështjen e seksualitetit të Gracianos, i cili ishte shkaku që Shqipja u përjashtua nga “Përputhen”.
Por pas sherreve të vazhdueshme, ofendimeve dhe debateve, vajzat si duket kanë bërë më në fund paqe me njëra-tjetrën. Lajmin e ka bërë të ditur vetë kjo e fundit, me anë të një postimi në rrjete sociale.
Shqipja ka publikuar në Instastory një foto pranë saj, nga skena e “Përputhen”. Të njëjtën foto e ka shpërndarë më pas dhe Tea, duke lënë të kuptohet se gjërat mes tyre janë rregulluar.

