Hailie Jade Mathers, vajza 28-vjeçare e ikonës së repit Eminem, ka zbuluar se është në pritje të një djali me bashkëshortin e saj Evan McClintock.
Lajmi emocionues u kuptua për herë të parë në videoklipin e babait të saj për këngën e tij të fundit “Temporary”, dhe Hailie e konfirmoi atë në podcastin e saj “Just A Little Shady”.
Gjatë emisionit, ajo hodhi një tullumbace të mbushur me konfeti blu dhe e gëzueshme njoftoi: “Është djalë! Edhe ne jemi shumë të emocionuar”.
Videoja muzikore e Eminem-it shfaqi një sërë klipe nga jeta e tyre, duke përfshirë një moment prekës ku Hailie i tregoi babait të saj një bluzë blu me “Gjyshi 1” të shkruar në anën e pasme, si dhe fotografinë e ultrazërit të saj. Ajo më vonë ndau imazhin e në Instagram së bashku me bashkëshortin e saj.
Menjëherë pas kësaj, burime të brendshme zbuluan se reperi Stan është i emocionuar që do të bëhet gjysh për herë të parë dhe po fokusohet të bëjë një jetë të qetë.
Burimet thanë për People se ai po tregohet shumë mbrojtës ndaj Hailie, e cila është bërë një pjesë e rëndësishme e jetës së tij, veçanërisht tani që jetojnë afër njëri-tjetrit.
Burimet shtuan: “Ai është i emocionuar për t’u bërë gjysh dhe për ta mbështetur atë. Ai ka qenë gjithmonë shumë mbrojtës ndaj saj”.
Eminem, i njohur gjithashtu si Marshall Bruce Mathers III, jo vetëm që ka vajzën e tij Hailie, 27 vjeçe, por ai është edhe babai birësues i Alaina, 31 vjeçe dhe Stevie, 22 vjeç.
