Platformat e Meta-s, Facebook dhe Instagram, kanë shfaqur probleme teknike gjatë ditës së sotme, duke lënë mijëra përdorues në mbarë botën pa akses normal në rrjetet sociale.
Sipas faqeve që monitorojnë ndërprerjet online, raportimet për probleme nisën të shtoheshin në orët e paradites, ndërsa shumë përdorues u ankuan se nuk mund të rifreskonin faqen kryesore, të shihnin postimet apo të hynin në llogaritë e tyre.
Deri më tani, Meta nuk ka dhënë detaje të plota mbi shkakun e problemit, ndërsa situata po monitorohet nga ekipet teknike të kompanisë. Raportimet tregojnë se ndërprerja ka prekur përdorues në disa vende, megjithëse jo të gjithë janë ndikuar në të njëjtën masë.
Nuk është hera e parë që platformat e Meta-s përballen me probleme të ngjashme. Në vitet e fundit, Facebook, Instagram dhe WhatsApp kanë pësuar disa ndërprerje të mëdha globale për shkak të problemeve teknike në infrastrukturën e kompanisë.