Mbreti Charles nderoi nënën e tij të ndjerë Mbretëreshën, në një fjalim drejtuar kombit, ndërsa tha se vdekja e saj i ka sjellë një dhimbje të thellë.
Ai tha se ajo ishte “një frymëzim” dhe një shembull për të dhe për familjen e tij. Mbreti thekson se jeta e saj ishte “një jetë e jetuar mirë”, duke shtuar se “është e pikëlluar më thellë për vdekjen e saj”.
“Dhe mamasë sime të dashur, ndërsa filloni udhëtimin e fundit për t’u bashkuar me babin tim të ndjerë, dua t’i them thjesht këtë: faleminderit. Faleminderit për dashurinë dhe përkushtimin tuaj ndaj familjes sonë dhe ndaj familjes së kombeve që ju keni shërbyer me kaq zell gjatë gjithë këtyre viteve.
Fluturimet e Engjëjve të këndofshin në prehjen tënde”.
“Siç bëri vetë Mbretëresha me një përkushtim të tillë të palëkundur, edhe unë tani zotohem solemnisht gjatë gjithë kohës së mbetur që Zoti më jep, të mbaj parimet kushtetuese në zemër të kombit tonë.
Kudo që të jetoni në Mbretërinë e Bashkuar ose në territoret anembanë botës dhe çfarëdo qoftë prejardhja dhe bindjet tuaja, unë do të përpiqem t’ju shërbej me besnikëri, respekt dhe dashuri, siç kam bërë gjatë gjithë jetës sime”, Charles në fjalimin e tij.
