Operacionet plastike edhe pse të realizuara në masë të madhe mbeten akoma një temë që nuk preferohet të flitet nga të famshmet, por jo edhe për Chrissy Teigen.
Modelja e njohur ka folur hapur duke zbuluar ndërhyrjen të cilën e ka bërë në fytyrën e saj.

Ajo zbuloi se ka kryer një ndërhyrje për të hequr yndyrën nga faqet e saj, gjë e cila nuk është shumë e zakonshme, pasi një pjesë e madhe ndërhyrjnë për të zmadhuar mollëzat.
Kjo nuk është hera e parë që Teigen i nënshtrohet një ndërhyrje estetike.
Vitin e kaluar, ylli iu nënshtrua një operacioni për të hequr implantet e gjirit. Pak vite më parë, modelja tregoi se kishte bërë një ndërhyrje në sqetull për të parandaluar djersitjen e tepërt.

Kujtojmë që Teigen ka kaluar një periudhë të vështirë të cilën e ka ndarë dhe me ndjekësit e saj.
Pak muaj më parë, modelja humbi fëmijën e tretë që po priste me këngëtarin John Legend.
