Çdo marrëdhënie ka kufijtë e saj, edhe pse shpesh ne i injorojmë në emër të ndjenjave. Këto kufij njihen si “vija të kuqe” – ato pika ku durimi mbaron dhe kompromiset nuk kanë më vend. Kur këto kalohen, marrëdhënia rrallëherë mbetet e njëjtë.
Në thelb, këto vija nuk janë rregulla për partnerin, por standarde personale për atë që ti nuk je i/e gatshëm/e të pranosh. Për disa mund të jetë mungesa e respektit, për të tjerë gënjeshtrat apo ftohtësia emocionale.
Mosrespektimi është një nga sinjalet më të forta alarmi. Fyerjet, nënçmimi apo ironia e vazhdueshme e dëmtojnë lidhjen më shumë se çdo debat i zakonshëm. Po ashtu, kur besimi thyhet nga gënjeshtrat, rikuperimi bëhet shumë i vështirë, pavarësisht ndjenjave.
Një tjetër vijë e kuqe është kontrolli i tepruar. Xhelozia që kthehet në kufizim të lirisë nuk është më dashuri, por presion. Në të njëjtën mënyrë, manipulimi emocional – fajësimi, shantazhi apo loja me ndjenjat – janë shenja të një marrëdhënieje jo të shëndetshme.
Edhe injorimi i kufijve të vendosur qartë është problem serioz. Kur njëri partner nuk respekton një “jo”, kjo tregon mungesë të thellë respekti dhe mirëkuptimi.