Pas një kohe të gjatë marrëdhënie të lumtur çifti i njohur shqiptar kanë kurorëzuar dashurinë e tyre me martesë.
Bëhet fjalë për Salsano Rrapi dhe Erjona Kakeli, të cilët kanë shkëmbyer unazat në prani të vajzave të tyre.
Ndërrimi i unazave u bë në festën e ditëlindjes së aktorit që u organizua si befasi nga miqtë e tyre buzë detit në Dhërmi.
Në dasmën e dyshes ishin të pranishëm shumë personazhe të famshëm, kryesisht miq të Salsanos nga spektakli i humorit “Portokalli”.
Mbrëmja ka zgjatur gjatë për ta dhe është mbyllur me disa këngë të qeta të kënduara me kitarë nën dritën e hënës.
Kujtojmë se aktualisht Salsano dhe Erjona janë konkurrentë me njëri-tjetrin, pasi janë pjesë e dy emisioneve të ngjashme, por në televizione të ndryshme. Prej vitesh Salsano është pjesë e “Portokalli”-së si moderator dhe aktor, ndërsa Erjona Kakeli ju bashkua stafit të spektaklit “Kosherja” pak muaj më parë.