Bota e muzikës rock është në zi. Brad Arnold, këngëtari dhe bashkëthemeluesi i grupit amerikan 3 Doors Down, ka ndërruar jetë në moshën 47-vjeçare pas një beteje të vështirë me kancerin.
Artisti u nda nga jeta i rrethuar nga familja e tij, ndërsa prej muajsh ishte tërhequr nga skena për shkak të përkeqësimit të gjendjes shëndetësore. Vetë Arnold kishte ndarë më herët me publikun se ishte diagnostikuar me një formë agresive kanceri, çka e detyroi grupin të anulonte koncertet dhe angazhimet muzikore.
Brad Arnold u bë i famshëm në fillim të viteve 2000 si zëri unik pas disa prej hiteve më të njohura të rock-ut alternativ, mes tyre “Kryptonite”, “Here Without You” dhe “When I’m Gone”, këngë që shënuan një brez të tërë dhe e çuan 3 Doors Down drejt suksesit global.
Fansat dhe kolegët e muzikës po e kujtojnë Arnold-in si një artist të sinqertë, me shpirt luftarak dhe një zë që la gjurmë të pashlyeshme në historinë e rock-ut modern.
Trashëgimia e tij muzikore do të vazhdojë të jetojë përmes këngëve që prekin ende miliona dëgjues në mbarë botën.