Nëse je nga ata që rrotullohen në shtrat pa gjumë apo zgjohen të lodhur çdo mëngjes, ndoshta zgjidhja është më e thjeshtë nga sa mendon. Një trend i ri që po “pushton” rrjetet sociale po ndryshon mënyrën si njerëzit përgatiten për gjumë – dhe rezultatet duket se janë mbresëlënëse.
Bëhet fjalë për krijimin e një rutine të qëndrueshme mbrëmjeje, e cila ndihmon trupin të kuptojë se është koha për t’u çlodhur. Nga fikja e telefonit 30 minuta para gjumit, tek një dush i ngrohtë apo një filxhan çaj qetësues, këto hapa të vegjël po rezultojnë shumë efektivë.
Ekspertët theksojnë se ekspozimi ndaj ekranit para gjumit është një nga arsyet kryesore që prish ciklin natyral të gjumit. Ndaj, largimi gradual nga pajisjet elektronike dhe fokusimi tek aktivitete relaksuese si leximi apo meditimi, mund të bëjë diferencë të madhe.
Ajo që e bën këtë trend edhe më tërheqës është fakti se nuk kërkon as para dhe as përpjekje të mëdha – vetëm pak disiplinë dhe qëndrueshmëri.