Dyshimet për tradhti mund të lindin në çdo marrëdhënie, por jo çdo ndryshim në sjellje do të thotë patjetër pabesi. Megjithatë, ka disa shenja që mund t’ju bëjnë të ngrini pikëpyetje.
Një nga sinjalet më të zakonshme është ndryshimi i papritur në përdorimin e telefonit. Nëse partneri e mban gjithmonë pranë, vendos kode të reja ose bëhet nervoz kur e pyesni, mund të jetë një tregues që po fsheh diçka.
Po ashtu, kujdesi i shtuar për pamjen fizike pa një arsye të qartë mund të jetë një tjetër shenjë. Ndryshime në stil, parfum i ri apo interes i shtuar për pamjen ndonjëherë lidhen me dëshirën për të impresionuar dikë tjetër.
Një tjetër sinjal është distanca emocionale. Nëse partneri duket më i ftohtë, shmang bisedat apo nuk tregon më të njëjtin interes për marrëdhënien, kjo mund të jetë alarmuese.
Ekspertët thonë se edhe ndryshimet në rutinë, si orare të zgjatura pune, justifikime të paqarta apo mungesa të shpeshta, mund të jenë shenja që duhen vëzhguar.
Megjithatë, para se të nxirrni përfundime, komunikimi i hapur mbetet mënyra më e mirë për të kuptuar çfarë po ndodh realisht në marrëdhënie.