Në një marrëdhënie është normale që partnerët të ndikojnë në gjendjen emocionale të njëri-tjetrit. Por kur mirëqenia jote varet plotësisht nga ajo e personit tjetër, kjo mund të kthehet në një problem të vërtetë. Ja disa shenja që tregojnë se mund të jesh duke e lidhur tepër lumturinë tënde me partnerin:
1. Fjalët nuk përputhen me ndjenjat
Mund të thuash se je mirë, por sjellja dhe mimika jote tregojnë të kundërtën.
2. Kërkon vazhdimisht miratim
Ndihesh e pasigurt dhe ke nevojë që partneri të të konfirmojë çdo zgjedhje apo veprim.
3. Xhelozi kur ai/ajo është mirë pa ty
Të bezdis ideja që partneri mund të jetë i lumtur edhe jashtë marrëdhënies.
4. Vendimet i merr ai/ajo
Shpesh ia lë partnerit në dorë zgjedhje që lidhen me jetën tënde personale.
5. Ndryshon për t’iu përshtatur
Qoftë në pamje apo në karakter, e gjen veten duke u përshtatur sipas dëshirave të tij/saj.
6. Sakrifikon nevojat e tua
Vendos gjithmonë dëshirat e partnerit mbi të tuat.
7. E gjithë energjia te marrëdhënia
E gjithë koha dhe vëmendja jote përqendrohen vetëm tek lidhja.
8. Injoron sinjalet negative
Edhe kur ka “flamuj të kuq”, zgjedh t’i anashkalosh për të mos prishur marrëdhënien.
9. Nuk shpreh ndjenjat
Hesht për të shmangur debatet, edhe kur diçka nuk të pëlqen.
10. Nuk e përballon mungesën e tij/saj
Kur partneri nuk është pranë, emocionet të dalin jashtë kontrollit.