Kida është padyshim njëra nga artistet më të pëlqyera të skenës muzikore shqiptare.
Me shumë këngë solo e bashkëpunime të shndërruara në hite, këngëtarja ka vendosur që të realizojë një album, për të cilin po punon prej një viti.
Përmes rrjeteve sociale Kida ka zbuluar kopertinën e albumit si dhe titullin “Orchide”.
“Pas një viti punë të palodhur dhe përpjekjesh, jam krenare t’ju prezantoj kopertinën e albumit tim të parë”, shkruan Kida në postimin e saj.
Artistja nuk ka zbuluar akoma një datë publikimi por me gjasë do të jetë shumë shpejt.
