Jennifer Lopez nuk ishte e lumtur kur pa paparacët duke ndërhyrë në hapësirën e saj personale gjatë një daljeje të fundit.
Aktorja dhe këngëtarja, e cila po përballet me thashethemet për një divorc nga Ben Affleck, u pa në Hamptons me fëmijët e saj.
JLo festoi së fundmi ditëlindjen në këtë destinacion pushimesh verore dhe ishte jashtë, siç duket, për të blerë akullore me fëmijët e saj, shkruan News18.
Në një VIDEO që u shfaq online, Jennifer Lopez kaloi pranë një grupi paparacësh që duket se iu afruan shumë ndërsa po i bënin foto. Kjo e mërziti Jenniferin. Interpretuesja e hitit “Jenny from the Block” u bërtiti kameramanëve, duke i kërkuar të largohen. “Largohuni nga unë dhe fëmijët”, u tha ajo kameramanëve. Kur ata nuk iu bindën urdhrit të saj, ajo tha me një zë më të zemëruar, “Ikni, ikni”.
“Thoni çfarë të doni, por ajo duket si një nënë e shkëlqyer”, tha një përdorues i rrjeteve sociale, duke reaguar ndaj incidentit. “Plotësisht mbështes këtë sjellje. Kurrë nuk është mirë të përfshihen fëmijët në marrëzinë e paparacëve për përfitim”, shtoi një tjetër.
“E di që njerëzit kanë mendime të forta për të dhe do të kenë shumë për të thënë, por ngacmimi i saj kur është me fëmijët nuk është në rregull. Duhet të ketë kufij. E kuptoj gjithashtu që ajo është në një vend publik dhe kjo është e pashmangshme, por nëse dikush nuk dëshiron të fotografohet, paparacët duhet ta respektojnë këtë dhe të mos vazhdojnë ta ndjekin”, tha një përdorues i tretë.
