Kur shihni partnerin pas ditësh, javësh apo edhe muajsh larg, truri aktivizon një sërë mekanizmash që lidhen me emocionet, lidhjen dhe shpërblimin. Sipas studiuesve, rritet aktiviteti në zonat e trurit që lidhen me kënaqësinë dhe motivimin, ndërsa çlirohen substanca si dopamina dhe oksitocina, të njohura si “hormonet e lumturisë” dhe të afërsisë. Kjo është arsyeja pse shumë njerëz ndiejnë emocion të fortë, lehtësim apo edhe “flutura në stomak” në momentin e ribashkimit.
Ekspertët theksojnë se këto reagime janë shpesh më të forta te çiftet që kanë krijuar një lidhje të sigurt emocionale. Madje, edhe një përqafim i gjatë pas ribashkimit mund të ulë nivelin e stresit dhe të rrisë ndjenjën e besimit e të afërsisë mes partnerëve. Kjo tregon se distanca nuk e dobëson domosdoshmërisht një marrëdhënie; në shumë raste, ajo mund ta bëjë momentin e takimit edhe më emocional e të veçantë.