Reduktimi i sheqerit në përditshmëri nuk ndikon vetëm tek pesha, por edhe tek qetësia mendore dhe balanca e sistemit nervor. Ekspertët sugjerojnë disa mënyra të thjeshta për ta bërë këtë pa stres dhe pa sakrifica të mëdha.
Së pari, është e rëndësishme të bëni zgjedhje më të zgjuara ushqimore duke shmangur produktet e përpunuara dhe pijet e ëmbla. Shpesh, sheqeri fshihet në ushqime që nuk i konsiderojmë të tilla, ndaj leximi i etiketave bëhet një zakon i domosdoshëm.
Një tjetër hap i rëndësishëm është stabilizimi i nivelit të sheqerit në gjak përmes vakteve të rregullta dhe të balancuara. Ushqimet e pasura me fibra dhe proteina ndihmojnë në shmangien e luhatjeve të forta, të cilat lidhen direkt me nervozizmin dhe lodhjen.
Gjithashtu, nuk duhet nënvlerësuar ndikimi i stresit. Kur jemi të tensionuar, trupi kërkon më shumë sheqer si “ngushëllim”. Prandaj, aktivitete si ecja, frymëmarrja e thellë apo gjumi cilësor janë thelbësore për të mbajtur nën kontroll dëshirën për ëmbëlsira dhe për të qetësuar sistemin nervor.