Në epokën e “swipe”-it dhe mesazheve të shkurtra, mesazhet zanore po kthehen në një trend të ri në aplikacionet e takimeve.
Një audio e shkurtër mund të tregojë më shumë sesa një paragraf i gjatë me tekst – toni, energjia dhe mënyra si flet krijojnë një ndjesi më personale dhe autentike.
Por ekspertët e marrëdhënieve paralajmërojnë: përdorimi i gabuar i voice notes mund të kthehet në “red flag”.
Ja disa rregulla bazë që duhet të mbani parasysh.
Përdorini për të krijuar lidhje më personale
Një mesazh zanor e bën bisedën më reale.
Zëri përcjell emocion dhe ndihmon që pala tjetër të krijojë një ide më të qartë për personalitetin tuaj.
2. Zgjidhni momentin e duhur
Mos dërgoni audio pa kontekst. Ato funksionojnë më mirë kur jeni në një bisedë të rrjedhshme ose kur doni të shtoni një detaj interesant që nuk shprehet lehtë me tekst.
3. Mbajini të shkurtra dhe dinamike
Idealja? 20–40 sekonda. Mjaftueshëm për të thënë diçka interesante, por jo aq gjatë sa të bëhet e lodhshme për t’u dëgjuar.
4. Tregoni personalitetin tuaj
Një batutë e lehtë, një histori e shkurtër apo një ton entuziast mund të bëjnë diferencën. Voice note është mundësi për të spikatur.
5. Jepni hapësirë për përgjigje
Mbylleni mesazhin me një pyetje ose një koment që e fton tjetrin të reagojë. Biseda duhet të jetë dialog, jo monolog.
Çfarë NUK DUHET të bëni
1. Mos i bombardoni me audio
Dërgimi i disa mesazheve zanore njëri pas tjetrit mund të duket i tepruar dhe presionues.
2. Mos i bëni shumë të gjata
Një audio 3-4 minuta në fazat e para të njohjes mund të jetë “too much”.
3. Mos i dërgoni në momente të papërshtatshme
Mesnatë? Orar pune? Jo ide e mirë. Respektoni kohën dhe ritmin e personit tjetër.
4. Mos e injoroni preferencën e tjetrit
Nëse dikush preferon tekst, mos insistoni me zë. Përshtatja është shenjë inteligjence emocionale.