Të gjithë fansat e “Elite” bëhuni gati! Ashtu siç u lajmërua disa ditë më parë, seriali spanjoll hit i Netflix rikthehet me sezonin e tij të 4-t në 18 qershor. Sot në Instagramin zyrtar të Elite është publikuar një tjetër trailer, ku protagonistë janë Pol Granch dhe Georgina Amoros.
Kjo e fundit, emër i dëgjuar për të gjithë admiruesit e flaktë të serialit, pasi është shfaqur edhe në sezonin e tretë në rolin e Cayetana.Në videon e shkurtër dyshja shfaqet duke ardhur rrotull një dhome me pasqyra e në një moment rrinë afër me njëri tjetrin.
Ende nuk është konfirmuar kasti i plotë i sezonit të 4-t por sipas mediave spanjolle gjysma e personazheve që tashmë i njohim do të jenë ende pjesë: Itzan Escamilla (Samu), Miguel Bernardeau (Guzmán), Arón Piper (Ander), Omar Shana (Omar), Claudia Salas (Rebeca) dhe Georgina Amorós (Cayetana).
Ndërsa fytyrat e reja në serial do të jenë Manu Dios, Pol Granch, Carla Díaz dhe Martina Cariddi.
Vlen të theksohet se Danna Paola e cila luante rolin e Lucrecia, Ester Expósito, Carla-n dhe Mina Al Hammani Nadia-n nuk do të rikthehen këtë sezon, megjithëse kanë qenë pjesë e Elite që në nisjen e tij në 2018-ën.
Besojmë se do te ndihet mungesa e tyre, por si dihet ndoshta dhe personazhet e rinj do të na bejnë për vete. Të presim dhe të shohim 🙂
