Capital T ka gëzuar disa fëmijë me dhurata për festat e fundvitit.
Reperi i njohur, i cili edhe më parë ka treguar shpirtin e tij human duke ndihmuar njerëzit me nevojë, kësaj radhe zgjodhi të befasojë fëmijët me nevoja të veçanta në disa nga zonat më fragjile të Kosovës.
Lajmin e ka bërë të ditur vet Capital T, përmes disa fotografive nga aktiviteti, të cilat i ka ndarë me ndjekësit e tij në rrjetin social Instagram.
“Sa herë që ngjitni një hap të triumfit, ngjitni dy të përulësisë”, ka shkruar reperi në mbishkrimin e fotografive.
Ndërkohë pëlqimet dhe komentet nga ana e fansave nuk kanë munguar, shumica prej të cilëve e kanë komplimentuar për këtë nismë.
