Efehan mbush 2 vjeç, Almeda Abazi na emocionon me urimin: “Djali im i shtrenjtë…”

Almeda Abazi dhe Tolgahan Sayisman janë një nga çiftet më të bukura të showbizit ndërkombëtar, e sigurisht shumë të dashur për publikun shqiptar e atë turk.

Nuk është çudi që çdo gjë që ndodh në familjen e tyre të sapokrijuar tërheq vëmendjen e të gjithëve, sidomos në rrjete sociale. Sot, është ditëlindja e të voglit Efehan. Djali i parë i ish-Missit shqiptar dhe aktorit turk mbush 2 vjeç.

Almeda i ka bërë një urim emocionues në Instagram, teksa ka ndarë një foto me të dhe bashkëshortin Tolga në tavolinë me tortën e ditëlindjes.

“Gëzuar ditëlindjen djali im i shtrenjtë! Të duam sot, nesër dhe përgjithmonë,” shkruan ylli i serialeve turke.

Kujtojmë se Almeda dhe Tolga lidhën kurorë në Shkurt të 2017-ës, dhe shumë shpejt Efehan do të bëhet me një motër pasi bukuroshja brune është në muajin e 9-të të shtatzënisë dhe pret një vajzë. /Afterparty.al