Detaje të reja mësohen nga krimi i dyfishtë në familje që tronditi Tiranën mbrëmjen e sotme.
Shtetasi amerikan Matthew James Wertz vrau gruan e tij Lilis Sartika Saragih me litar, dy qentë që kishin dhe më pas veten.
Fillimisht është gjetur trupi i pajetë i amerikanit, i cili ishte vetëvarur, ndërsa më vonë, duke kërkuar për prova të reja, janë gjetur trupat e pajetë të bashkëshortes së tij me origjinë nga Indonezia, por me pasaportë amerikane.
53-vjeçari amerikan, pasi e ka mbytur gruan, e ka mbuluar trupin e saj me rroba dhe sipër tyre ka vendosur 2 trupat e mbytur të dy qenve.
Paraprakisht dyshohet që ngjarja të ketë ketë ndodhur në kushte depresioni, por kjo është pistë paraprake dhe po hetohet nga policia.
