Kejvina Kthella është një nga vajzat më seksi të showbizit shqiptar, që mori famë pas pjesëmarrjes së saj në emisionin “Xing me Ermalin” në rolin e velinës. Përveç kësaj, bukuroshja 25 vjeçare “ka pushtuar” edhe Instagramin, pasi në një kohë jo shumë të gjatë ka tejkaluar shifrën e 700 mijë ndjekësve.
Këtë herë në rrjetin social, modelja bionde ka tërhequr vëmendjen me postimin e fundit në story. Kejvina ka publikuar një foto me një nga reperët më të famshëm ndërkombëtar, marokenin French Montana.Dyshja shfaqet në një klub nate krahë njëri-tjetrit. “S’ka rëndësi sa keq kam dalë,” shkruan ish-velina në postim. Të gjithëve, teksa shohim foton, na vjen në mendje pyetja: “Çfarë e bashkon modelen me reperin?”.
Ndoshta rastësi, ndoshta një bashkëpunim në të ardhmen. Megjithatë duhet theksuar se foto mund të jetë shkrepur gjatë kohës kur Kejvina qëndroi në Los Anxhelos vitin e kaluar.
Kujtojmë se të gjithë do e kishin ëndërr të takonin një herë në jetë French Montanën, i cili është një nga artistët më “in” të momentit, dhe u bë shumë i famshëm me hitin e tij “Unforgetable” dhe bashkëpunimet me emra të tjerë “Big” të muzikës së huaj si Drake, Nicki Minaj etj.

