Një Boeing 777 i kompanisë Emirates me 246 persona në bord (228 pasagjerë dhe 18 anëtarë të ekuipazhit) i nisur nga Athina për në Nju Jork u detyrua të kthehej në Greqi. Alarmi u lëshua ndërsa avioni ishte mbi Sardenjë. Alarmi për terrorizëm është lëshuar nga autoritetet helene.
Nuk është e qartë për momentin se çfarë çoi në alarm – mediat lokale flasin për një pasagjer të dyshimtë të raportuar nga CIA – por ky informacion vuri në zbatim protokollet e sigurisë në gjysmën e Evropës.
Dinamika
Burime italiane shpjegojnë për Corriere se sapo avioni shkeli hapësirën ajrore italiane, qendra e kontrollit të zonës së Brindizit – që kufizohet me atë greke – mori alarmin për terrorizëm nga kolegët në Athinë. Në atë moment, kontrollorët italianë dërguan sinjalin e urgjencës te francezët – sepse fluturimi EK209 ndërkohë ishte në drejtim të Korsikës – kur nga qendra përgjegjëse e kontrollit të zonës, ajo e Marsejës prej tyre mbërriti njoftimi për të ndaluar fluturimin drejt Korsikës. Deri më tani avioni ka ndjekur itinerarin që ishte autorizuar nga Eurocontrol, vijojnë burimet.
Kthimi
Avioni – siç shihet nga gjurmët e Flightradar24 – bëri disa xhiro midis Olbias dhe Alghero, në veri të Sardenjës, sepse priti dritën jeshile nga francezët për të hyrë në hapësirën ajrore transalpine, por pa e marrë kurrë atë. Përkundrazi: nga Marseja thanë se avioni nuk ishte i autorizuar. Në atë moment avioni vazhdoi në drejtim të jugut në Mesdhe, ku italianët “dorëzuan” fluturimin tek autoritetet malteze dhe më pas hynë në hapësirën ajrore greke ku u ul në aeroportin e Athinës në orën 21.07 (me orën italiane). Kthimi u bë kryesisht mbi det, për të shmangur qendrat e banuara.
Të dyshuarit
Mediat greke sqarojnë se CIA raportoi pranë shërbimeve sekrete të Athinës praninë e një pasagjeri të mundshëm të dyshimtë në një fluturim të Emirates për në Dubai apo Nju-Jork. Megjithatë, në atë moment, fluturimi direkt për në SHBA ishte nisur tashmë, ndërsa ai i destinuar për në Dubai nuk është kontrolluar ende për të gjithë pasagjerët e tij dhe fluturimi është nisur me disa orë vonesë. Në fluturimin e kthimit, kontrollet u kryen më pas në një zonë larg terminalit kryesor. Nuk ka koment nga autoritetet e aeroportit të Athinës dhe as nga kompania Emirates.
