Besojeni ose jo, Bebe Rexha nuk mund të rrijë në Los Angeles pa këtë ushqim tradicional shqiptar!

Bebe Rexha është shumë aktive në rrjetet sociale.

Artistja shqiptare nuk ngurron asnjëherë të flas për prejardhjen e saj shqiptare ku vazhdimisht publikon edhe pamje të ndryshme.

Së fundmi na shkriu zemrat me një fotografi nga fëmijëria e saj.

Në moshën 4-vjeçare Bebe shihet krah stërgjyshes së saj shqiptare në Gostivar të Maqedonisë së Veriut.

“Unë me stërgjyshen në Gostivar, Maqedoni kur isha 4 vjeçe”, ka shkruar Bebe në mbishkrimin e fotos që ndau me mbi 10 milionë ndjekës në Instagram.

Teksa kjo foto ka marrë me mijëra pëlqime dhe komente, dikush i përmend ushqimet shqiptare.

“Hey Bebe. E di që të mungojnë turshitë dhe ajvari”, i shkruan ndjekësi, të cilit Bebe i ka kthyer menjëherë përgjigje, duke i thënë se porosit ushqimin tradicional shqiptar dhe në Los Angeles.

“Unë porosis ajvar në shtëpinë time në Los Angeles!”, shkruan Rexha, e cila herë pas here përmes postimeve në rrjetet sociale ka zbuluar se i pëlqen të gatuajë dhe di shumë mirë.