Shumë njerëz investojnë në kremra të shtrenjtë dhe trajtime estetike për të ruajtur një pamje të re, por ekspertët thonë se disa zakone të përditshme mund të përshpejtojnë plakjen pa e kuptuar fare.
Një nga gabimet më të zakonshme është mungesa e gjumit. Gjatë natës, organizmi rigjeneron qelizat, ndërsa mungesa e pushimit ndikon në shfaqjen e rrudhave, lëkurën e zbehtë dhe humbjen e elasticitetit.
Edhe stresi kronik konsiderohet një “armiqtë” kryesorë të rinisë. Nivelet e larta të kortizolit ndikojnë jo vetëm në lëkurë, por edhe në flokë, sistemin imunitar dhe energjinë e përgjithshme.
Një tjetër faktor është konsumimi i tepërt i sheqerit. Ai favorizon një proces të quajtur glikacion, i cili dëmton kolagjenin dhe elastinën, proteinat që e mbajnë lëkurën të tendosur dhe të shëndetshme.
Mungesa e mbrojtjes nga dielli mbetet ndër shkaqet kryesore të plakjes së parakohshme. Edhe në ditët me re, rrezet UV mund të dëmtojnë lëkurën nëse nuk përdoret krem mbrojtës.
Në fund, hidratimi i pamjaftueshëm dhe qëndrimi për orë të tëra para ekranit pa pushim mund të ndikojnë në pamjen e lodhur të fytyrës dhe mirëqenien e përgjithshme.
Ndryshimi i këtyre zakoneve nuk garanton mrekulli brenda natës, por me kalimin e kohës mund të bëjë një diferencë të dukshme në shëndet dhe pamje.