Nëse ka një personazh që vazhdon të komentohet për lëkurën e saj të freskët dhe me shkëlqim natyral, ajo është padyshim Miranda Kerr. Modelja australiane dhe ish-“engjëlli” i Victoria’s Secret ka folur shpesh në intervista për zakonet që ndjek prej vitesh dhe që, sipas saj, bëjnë diferencën reale në pamjen e lëkurës.
Një nga “sekretet” kryesore të saj është hidratimi. Miranda ka treguar se pi shumë ujë gjatë ditës dhe i kushton rëndësi produkteve me përbërës hidratues si acidi hialuronik dhe vajrat natyralë. Ajo është gjithashtu një adhuruese e vajit të trëndafilit (rosehip oil), të cilin e përdor shpesh për t’i dhënë lëkurës shkëlqim dhe elasticitet.
Një tjetër hap që modelja nuk e neglizhon është pastrimi i dyfishtë i fytyrës në mbrëmje, sidomos pas grimit apo udhëtimeve të gjata. Sipas saj, largimi i plotë i makeup-it dhe SPF-it është thelbësor për të shmangur irritimet dhe bllokimin e poreve.
Edhe pse njihet për pamjen “baby skin”, Miranda ka pranuar se fokusi i saj nuk është perfeksioni, por kujdesi afatgjatë. Ajo ka treguar se përpiqet të flejë mjaftueshëm, të reduktojë stresin dhe të konsumojë ushqime të pasura me antioksidantë, si perimet jeshile dhe frutat.
Një detaj interesant? Modelja nuk del pothuajse asnjëherë pa krem mbrojtës ndaj diellit. Ajo e konsideron SPF-in produktin më të rëndësishëm kundër plakjes së parakohshme dhe njollave në lëkurë.
Mesa duket, “glow”-i karakteristik i Miranda Kerr nuk lidhet vetëm me gjenetikën, por me një rutinë të qëndrueshme që modelja e ndjek prej vitesh.