Ish-këngëtari i One Direction, Liam Payne, kishte droga të shumta duke përfshirë kokainën dhe metamfetaminën në trupin e tij kur ra për vdekje nga ballkoni i një hoteli në Argjentinë, sipas burimeve anonime argjentinase të njohura me raportet fillestare toksikologjike.
Këngëtari britanik dhe ish-anëtari i One Direction vdiq javën e kaluar në moshën 31-vjeçare pasi u rrëzua nga një dhomë hoteli në katin e tretë në Buenos Aires.
ABC News dhe TMZ raportuan se një koktej droge i quajtur “kokaina rozë” – që përmban metamfetaminë, ketaminë dhe MDMA – ishte gjetur gjatë një autopsie të pjesshme, së bashku me kokainë dhe benzodiazepinë.
Të dy mediat cituan burime anonime të njohura me testet paraprake.
Associated Press raportoi se një zyrtar anonim kishte thënë se raporti paraprak i toksikologjisë sugjeronte prova të ekspozimit ndaj kokainës, por duke theksuar se këto rezultate fillestare nuk ofrojnë një lexim të saktë se sa qarkullonte në gjakun e tij kur vdiq.
Rezultatet përfundimtare të toksikologjisë nuk pritet të bëhen publike për disa javë.