Bëhuni gati për HIT-in nga Ghetto Geasy, Majk dhe Ermal Fejzullahu! Mësohen DETAJE të reja!

Një bashkim forcash mes artistëve që pritet të pushtojë tregun muzikor është ai mes Getoar Selimit, Majkut dhe Ermal Fejzullahut.

Lajmin e ka bërë të ditur Ermali, i cili ka zbuluar se projekti është i realizuar edhe me videoklip, xhirimet e të cilit kanë përfunduar dhe pritet së shpejti të publikohet edhe për publikun.

Artistët e mbajtën fjalën dhe kënga do të publikohet brenda pak ditësh. Të tre këngëtarët kanë postuar në adresat e tyre në Instagram datën 12 maj, që me siguri bëhet fjalë për bashkëpunimin e shumëpritur mes tyre. Detaje të tjera nga kënga nuk dihen, por me siguri do të jetë hit i kësaj vere.


Duke ditur famën dhe suksesin që gëzojnë të tre artistët kënga pritet padyshim të jetë një nga hitet e kësaj vere. Ndryshe Ermali dhe Geti kanë bashkëpunuar edhe më parë.

Në vitin 2003 sollën bashkë këngën “Vesa” ndërsa në 2010 erdhen me “I kom”.

Sa i përket reperit Majk kjo është hera e parë që bashkojnë forcat me Ermalin, i cili paralajmëroj disa projekte të reja brenda pak muajve.