Këngëtarja e mirënjohur greke Marinella po përballet me një gjendje shëndetësore mjaft të rënduar, pas incidentit që ndodhi teksa performonte në skenë.
Ajo u rrëzua duke shkaktuar shqetësim tek fansat e saj, teksa pas mbërritjes në spital u konstatua se këngëtarja pësoi hemorragji cerebrale.
Mjekët i dhanë ndihmën e parë, po mediat greke shkruajnë se ajo vijon të jetë në gjendje mjaft të rënduar, për shkak të hemorragjisë.
Këngëtarja 86-vjeçare u rrëzua mbrëmë në skenën e Herodionit, teksa po këndonte. Më herët ajo kishte theksuar se ndjente dhimbje koke, por e neglizhoi për shkak të performancës.