Dita e martë dhe e mërkurë është shpallur ditë zie në nderim të të ndjerit Ismail Kadare, i cili humbi jetën në moshën 88-vjeçare mëngjesin e kësaj të hëne.
Në të gjitha institucionet shtetërore dhe private, flamuri kuq e zi do të ulet në gjysmë shtizë.
Ditën e mërkurë do të zhvillohen homazhe në nder të tij.
Homazhet dhe ceremonia do të zhvillohen në Teatrin Kombëtar të Operas dhe Baletit dhe në Ansamblin Popullor në Tiranë, të mërkurën në oraret 09:00-11:00 dhe 11:30-12:30.
