Çfarë e shtyu ta bënte?! Pink “shokon” me deklaratën e saj: Shkrova testamentin tim…

Pink dhe djali i saj Jameson rezultuan pozitiv me Covid-19 vitin e kaluar. Për këngëtaren kjo ka qenë një eksperiencë aq e frikshme, sa që atëherë mendonte se ata do të ndaheshin nga jeta, pasi simptomat e tyre ishin shumë të rënda.

Ylli i “So What” tha në një intervistë për “Heart Radio” se madje ajo shkroi testamentin e saj.

“Duket çmenduri, por ne kishim Covid vitin e shkuar, në fillim të Marsit, dhe ishte shumë keq, aq sa unë shkrova sërish testamentin tim. Në atë moment mendoja se çdo gjë kishte marrë fund për ne,” tha Pink.

Më pas ajo ka treguar se ka telefonuar mikeshën e saj të ngushtë për t’i kërkuar kujdes për bashkëshortin dhe vajzën në rast se do të ndahej nga jeta.

“I thashë, ‘Thjesht dua t’i thuash Willow se sa shumë e desha’. Ishte shumë, shumë e frikshme dhe e keqe. Si prind, mendon çfarë do të lë pas për fëmijën tim? Çfarë po ju mësoj atyre? A do ja dalin ata mbanë në këtë botë, në këtë botë të çmendur që ne po jetojmë tani? Dhe çfarë duhet t’ju them nëse kjo është hera e fundit që duhet t’ju them diçka?”, është shprehur këngëtarja. /Afterparty.al