Vdekja e një burri në Adelaide ka shqetësuar mjaft zonën, kjo pasi i riu kishte kërkuar ndihmë mjekësore dhe nga hetimet paraprake mësohet se mjekët i janë drejtuar atij me fjalët “mos bëj drama”. Gjithashtu burime nga hetimet bëjnë me dije se i riu mund të ishte gjallë në rast se do të ishte marrë seriozisht nga mjekët.
Babai i dy fëmijëve Hemant Chadha, 38 vjeç, vdiq nga pneumonia akute në shtëpi në orët e para të 23 prillit 2020, pasi bëri disa udhëtime në spital. E veja e tij Prabhleen Chadha kujtoi detaje të tmerrshme në një hetim të martën, duke shpjeguar sesi burri i saj i dëshpëruar ishte kthyer në shtëpi nga spitali me lot, sepse ai ishte trajtuar keq dhe mjekët i kishin thënë të ‘ringrihej’.
Hetimi, i cili filloi në fillim të këtij muaji, po shqyrton vdekjen e zotit Chadha dhe një burri tjetër nga Adelaide. Z. Battagodage vdiq nga hemotoraksi akut për shkak të këputjes së pseudoaneurizmit të arteries së djathtë subklaviane, pasi u paraqit në spital disa herë pasi kishte vjellje gjaku.
Në një moment, ai u dërgua në shtëpi nga stafi i spitalit dhe e këshilluan të merrte paracetamol. Hetimi ka dëgjuar që të dy vdekjet do të ishin shmangur nëse burrat nuk do të ishin larguar për në shtëpi nga stafi shëndetësor i Adelaide. Në hapjen e hetimit më 13 shkurt, mjekja ligjore Emma Roper dëgjoi se si Chadha pësoi simptoma serioze, duke përfshirë dhimbje barku, ethe dhe kollë në fillim të prillit 2020.
Disa javë më vonë, më 17 prill, ai u dërgua me ambulancë në departamentin e urgjencës të Spitalit Royal Adelaide pasi kishte gulçim, marramendje dhe të vjella. Një radiografi e gjoksit zbuloi se babai i dy fëmijëve kishte pneumoni dhe iu dha antibiotikë dhe u nxor nga spitali.
