Besoj të gjithë e dini tashmë se Interneti në gjithë këto kohë që po e përdorim ka akumuluar një masë të pallogaritshme informacioni, mes tyre dhe foto e imazhe.
Dhe tashmë që ka dalë dhe Inteligjenca Artificiale (AI) rezultatet mund të jenë vërtet të frikshme.
Një prej tyre është aftësia për të gjetur çdo imazh tëndit që është shkrepur … në çdo kohë, shkruan rrjeti Unilad.
Një faqe e çuditshme interneti e quajtur ‘PimEyes’ ka tërhequr vëmendje pasi për rezultatet e kërkimit të fotove është mbiquajtur ‘platforma më trazuese në Internet’.
Ju duhet t’i jepni faqes fillimisht një foto të vetes tuaj dhe me anë të inteligjencës artificiale ajo identifikon çdo foto tjetër tuajën që është në rrjet, pra mund të kërkojë në çdo faqe interneti ku ka foto tuajat.
Shërbimi është falas, ju vetëm duhet të ngarkoni një foto tuajën dhe për dy minuta inteligjenca ‘e frikshme’ artificiale mund të kontrollojë të gjithë rrjetin.
Praktika është gjithashtu një mjet për të zbuluar persona të ngjashëm me ju, pasi rezultate të tilla shfaqen shpesh mes opsioneve.
PimEyes gjithashtu ju lejon të hiqni fytyrën tuaj nga opsionet e kërkimit të njerëzve por për këtë duhet të bëni fillimisht një verifikim identiteti.
